السلام عليكم
شوفى الصورة من فوق وتعرفين
شنو المطبق علينا
رأسمالية
كنظام اقتصادى وسياسى وبكل بساطة هذى اللى تخلى الفرد جشع ومادى

وعليكم السلام
اخ مشاري مافهمت
ممكن التوضيح مع كل الشكر

الحجية:

السلام عليك.....تصدقين كلامج عور قلبى لانى اعيش هالمشكلة

تصدقين ربيت عيالى كلهم نفس التربية الممنوع هو الممنوع لهم كلهم والمسموح مسموح لهم كلهم ما كو فرق البنت نفس الولد.....وانشاء الله انى نجحت ولو بشكل بسيط بتربيتهم....لان تاثير المجتمع اقوى منى ومن ابوهم

المشكلة فى ولدى الصغير...رافض اللى ربيت اخوانه وخواته عليه....دايما يقول لى انتو كل غير عن الناس

كل شئ عندكم له قانونه الخاص....شوفوا ربعى

اعطيج مثال:الواسطه....اهو مقتنع ان ما يصير شئ الا فيها اقول له منو اللى معلمك جذى ....ويسرد لى قصص وقصص.. يلجمنى ساعات ....افهمه ان الواسطه استخدمها بس اذا كنت مظلوم وحقوقك مغتصبه فى هالحاله الواسطه حلال مو حرام
اما اذا كنت ظالم وانت مغتصب حق ناس اخرين فهذا حرام

المهم شنو اللى تغير فى بيتى هذا انا وابوه نفسنا ما تغيرنا وربيناه مثل اخوانه......بس المجتمع اهو اللى تغير وصارت الناس جشعه ما يترس عينها شئ

وهذا صاير حمل على الاسرة وضغوط زايده عليها.....شان زين القى حا....عشان اغير من مفاهيم هالولد

ابوه دايما يقول لى صبري عليه باكر يكبر ويتسنع اذا كان المنبت طيب ما عليه الا العافيه......وان شاء الله ما يخيب ظنى

اســـــــــفه طولت عليج.....بس من اللى فى قلبي

السلام عليكم جميعا
يالله حيها أوخيتي بنت الشامية لا ما في أطاله ألا أستفاده كلنا نستفيد من بعضنا البعض

كلامج عدل أحساسج نحس كلنا وربي يحفظ عيالنا
الدعاء لهم دأيم لان الدعاء يغير القدر والشباب دوم يكون تفكيرهم انفعالي ومندفع أنا ولدي دايم يقولي شوفي فلان أشسوى ووصل ؛ دايم اطلبه منه أن تكون المقارنة مع الأفضل مو مع الأسوء والتاريخ هو البرهان لنا كل شيء يطلع بسرعة يروح أسرع لان ماله أساس ولا قواعد
وصدق بو العيال البذره الطيبه ما تخيب بس ربي يعطينا الصبر والحكمة

المشكلة دار مدارهم اختراق للقانون والعدالة معدومه
ابسط شيء المدرسين و الرشاوى مثل يقوله تشيل عني المخالفات في المرور أضبطك والي يدرس ويتعب ينداس بفظل المعلم ببساطه معظم ألي نشتكي منه سبب اغلب النواب الأشاوس ربي حسيبهم بهذ لونا

صدقتى وصح لسانج يا الحجية، خوش كلام

أنا أأيد كلام أختى بنت الشامية، ترى أنا يارتج من الشويخ. إعيالى دايماً يقولون إنتى اللى تقولينه محد من ربعنا يسوى ولا حتى إعيال خالاتنا، أقول لهم إنتو اللى تسوونه هو الصح، الحمد لله ولدى البكر بدأ يفهم ويعرف إنى اللى ربيته عليه أهو الصح وصار يؤيدنى في كل شىء تقريباً ويحث إخوانه اللى أصغر على إتباع كلامى، إنشاله نبتج وتعبج ما يروح والله شاهد

السلام عليكم جميعا

هلا والله بأخويتي العين الساهرة وصح البدنج

كلامج أكيد لأن ما يدوم ألا الصحيح والباطل ساقط ولو بعد حين والتجربة هي اكبر برهان للعيال دايم أقولهم أمشي عدل يحتار عدوك وبعد تقثه وتقهرونه ما يدري من وين يمسك عليك شيء وفوق هذا يكون راسك مرفوع وكلك شموخ وقوه لأن الصح ضله الفخر والعزعكس الغلط والتعدي على القانون يجعل الإنسان ذليل جبان سهل استغلاله بأي شيء تتخيلونه .فا اطلب منه أن يختار شتحب تكون وان

اللهم أجعل ذريتنا من الصالحين الأتقياء الأقوياء بالله اللهم آمين

سلام

يالحجية الشباب فيهم طاقة و يحبون لفت النظر لذلك فهم يسعون للتميز حسب المجتمع

يعني الشاب اللي مجتمعه مثقف تلقينه يحب يتميز بالثقافة

الشاب الي مجتمعه يقدر الرياضة تلقينه يحب يتميز بالرياضة عشان يكون له شأن

الشاب اللي مجتمعه يقدر الدين تلقينه يتميز بالتدين عشان يحصل على المقام الرفيع في مجتمعه

حنا للأسف مجتمعنا يعيش في فوضى فتلقين الشباب ضايعين بالطوشة ما يدرون شيسوون بعمرهم

السلام عليكم جميعا وحياكم الله

Hsnams و كل مطقوق

يأخواني مشكلتنا أن الشباب أو اغلب الشباب قاعد ويتذمر أكثر من أن يحاولون يسوون شيء لمستقبلهم الكويت عزيزه لازم نتعاون والشباب أولنا من اجل كويت التقدم كويت العز والكرامة وربي شبابنا الخير كله فيهم بس ياريت يتفقون ويوحدون جهدهم لأعمار البلد وتقدمها ويتعاونون على قيام جمعيه نفع عام ويطلقون عليها اسم الأراده مفتاح كل التقدم ويكون أهم أهدافها دعم الشباب ومساعدتهم في أي مشروع هادف وتوصل اقتراحات الشباب للجهات المختصه