Wednesday, April 19, 2006
عزيزه ياكويت من فتره بعيده واحنا نلاحظ ونتابع الاحداث والوعود والتعليقات في المنتديات والصحف تقريبا بكل مكان حتى المسج الكل يتكلم ويتكلم ولكن لم نلاحظ اي تغير او تبديل ولا حتى تجديد بمعنى لابد من عمل من اهل الضمير الي يحبون الكويت والكويت تحبهم لأنها تحس فيهم , شنو الحل لازم نحارب كل شيئ غير صحيح خن نبدء بانفسنا ولو بابسط الاشياء خل عيالنا يتعلمون القيم واحترام القانون نقدر الطبيب نحترم الممرض نقدر عمله ولا ننسى المعلم ياناس الموازين كلها مقلوبه الطبيب يخاف على عمره والمدرس مقرود مهدد من الطلاب , عمال النضافه مهضوم حقهم مساكين كرف طول النهار والراتب عليهم بالحسره ولا كل واحد يحصل زفه اهانه والله يكسرون خاطري , الموظف الشريف يحارب بكل الطرق ما ادري ليش يصير بالكويت جذيه الله يستر علينا من دعواة هالمضلومين المساكين , انا عندي قناعه ان كل شيئ بالدنيا لابد له حل بس يحتاج النيه الصادقه للاصلاح والعزم والحزم ووضع الرجل المناسب في المكان المناسب هذا وايد مهم والاهم ان يكون راعي ذمه وضمير , الذي اصبح في هذا الزمان عملة نادرة الكويت وربي تنحب , الخير كله من بعد الله عطتنا تستاهل ان نجعلها احسن ديره باتباع القوانين واحترام وتقدير كل شخص منجز محب للبلد وربي تصير الكويت جنه اذا احترمنا القوانين والقيم والمبادء وجعلنا الله نصب اعيونينا
يالله ان ترحمن برحمتك وتلطف فينا
This comment has been removed by a blog administrator.